It(em) also als mychiel scrybaen alse p(ro)cureur meester adaems boegairt de/ welke geleidt es tot den goeden andries van voshem en(de) rombouts/ keldermans den selven andriese en(de) romboute hadde doen bevelen/ met eenen vorste(r) bij consente vander stad heure hande te lichten/ vanden goeden hierna bescr(even) Te weten van huyse en(de) hove met/ zijnre toebehoirten svoirs(creven) andries gelegen inde borghstrate neve(n)/ de goede gielijs arons It(em) van huyse en(de) hove mett(en) toebehoirte(n)/ des vors(creven) rombouts [d(air) hij inne woend] gelegen inde dorpstrate en(de) desgelijcx vand(er)/ haven bynnen den voirs(creven) huysen of eld(er)s wesende Oft dat zij op/ heden des tegen hem voe(r) meye(r) en(de) scepen(en) alhier te rechte quamen/ des de voirs(creven) p(ro)cureur hem gedroegh tot den vorste(r) en(de) de vors(creven)/ andries en(de) rombout theuren daghe niet comen en zijn noch nyema(n)/ van heuren weghen So hebben de scepen(en) van loeven yerst gehoirt/ vanden vorste(r) certificacie vanden voirs(creven) zijnen exploite gewijst voe(r)/ een vo(n)nisse So verre de voirs(creven) andries en(de) rombout niet en q(ua)men/ ten opstaene tsmeyers en(de) van hen datmen dan den voirs(creven) meester/ adaeme vanden voirs(creven) goeden houden sal in zinen beleide also v(er)re/ alst noch voer hen comen es Cor(am) opp(endorp) pynnoc borgh heyk(ens) cav(er)son/ marcii xi