Wij m(er)cels hoeve(n) scepen(en) te loeven(e) doen cond allen liede(n) dat/ boven tgene des tanderen tijden te weten op s(in)tjans avont bap/ tisten int jaer xiiii[c] lxxii voir scepen(en) van loeven(e) gepasseert/ is tusscen aerde vanden zande ende katlijne(n) lavaerts zijne(n)/ wive in deen zijde peteren vanden zande wettich sone des/ voirs(creven) aerts van zijnen voirbedde en(de) lijsbeth vander heyden/ wettich wijf des voirs(creven) peters in dande(re) is alnoch geraempt/ ende geclaert des hier nae volcht Ierst zijn verclaert de/ goede der voirs(creven) katlijne(n) die tot huerrer disposicie(n) staen/ selen op dat dair om gheen questie(n) en gebuere(n) in nacomen(de)
//
tijden Te weten vier rijders op de kercke oft kercmeesters van wese/ male Item twee rijders op gielise van hoelair It(em) twee rijnschguld(en)/ op matheeuss colcx huys en(de) hoff inden wyerinc ende drie mudde/ rocx te wesemale al erflijc Item twee rijders op henricke va(n) couthe(m)/ Item twee rijders op henricke vander moelen Item eene(n) rijdre op/ jans van hoeye huys Item twee rijd(er)s op henricke tsours It(em) twee/ crone(n) op gielise van adelberghe It(em) drie crone(n) op henr(icke) galoys/ It(em) iiii pet(er)s op gielise van ranshem ende drie rijd(er)s op arde kynart/ al lijfrente(n) welke erf ende lijfrenten voirs(creven) de voirs(creven) katlijne/ hadde ende aenden voirs(creven) aerde in huwelike brachte It(em) acht rijd(er)s/ en(de) xvi(½) stuv(er)s op de rose Item twee schilde op janne de clerck/ van wesemale erflijc Item thien peters op mijne(n) he(re) va(n) ghete/ It(em) sesse pet(er)s op henricke nabbe It(em) twee peters op anthonise/ van wynge ende drie peters [cronen] op meester aerde willems lijftochte(n)/ welke erflike en(de) lijftochtrinte(n) insdeels gecome(n) zijn vand(er) zijden/ der voirs(creven) katlijnen ende insdeels gecocht met hue(re)n penninge(n)/ die zij aenden voirs(creven) arnde brachte Ende de claernisse van alle(n)/ den voirs(creven) rinten is gedaen te dier mey(n)ingen dat behoude(n) de(n)/ voirs(creven) aerde dair inne zijn tocht ende heffen de voirs(creven) katlijne/ dair af sal moegen disponeren dair inne aert sal consente(re)n/ oft anders selen die volgen huere(n) erfgename(n) en(de) de(n) ghene(n)/ die dair op staen Ende oft die gelost werden selen die op dat/ de voirs(creven) katlijne begheert weder ter selver natueren in/ renten werden aengeleecht ende de brieve selen altijt w(er)de(n)/ geleecht int clooster opte halfstrate om dair mede te wercke(n)/ navolgende desen tractate Item de voirs(creven) peter en(de) zijn wijf/ selen den voirs(creven) aerde ende zijne(n) wive altijt scadeloes houde(n)/ ende ontlasten van allen borchtochten die de selve aert voir/ hen heeft gedaen oft namaels doen mochte alsoe dat des voirs(creven)/ aerts goede dair inne niet gepraemt en selen wesen die/ der voirs(creven) katlijnen na inhoudt vanden voirs(creven) vorsten oft dese(n)/ tractate behoiren te volgen It(em) oft namaels e(n)nige(n) last/ quame van borchtochten die de voirs(creven) aert voir ande(re) p(er)sone/ hadde gedaen ende dair af aert niet gelost en is oft gelost/ en worde dien last sal genome(n) werden vander gemeynder/ haven des voirs(creven) aerts ende zijns wijfs ende van tghene/ des zij van goeden oft renten de voirs(creven) gespecific(er)de p(ar)tie(n)/ dair inne gheenssins begrepen namaels selen moege(n) vercrige(n)/ Ende oft namaels enigen last gebuerde uut ocsuyne vander
//
voirs(creven) katlijne(n) lavaerts oft van huere(n) voirmanne(n) dat die(n)/ last genomen sal werden op de goede na desen tractate/ der selver katlijne(n) toebehoirende sonder des voirs(creven) arts/ goede dair inne gepraemt te werden P(ro)mitt(entes) ratu(m)/ tene(re) (con)d(iciones) et (con)ve(n)c(i)o(n)es antedictas p(ro) se et suis succ(essoribus) q(uo)l(ibet) ass(ecutu)[m] julii xxiii