SAL7761, Act: V°231.2 (607 of 650)
Search Act
previous | next
Act V°231.2  
Act
Date: 1473-08-06

Transcription

2021-01-30 by Walter De Smet
It(em) h(er) jan priester ende willem van dongelb(er)t gebruede(re)n jan vanden/
berghe briede(r) met margrieten zijnre dochter die hij hadde van/
margrieten van valkenborgh p(ri)us ema(ncipa)[ta] jan van kessele soen/
wilen jans ende peter van van valkenborgh soen wilen laureys/
hebben gelooft ongesundert den voirs(creven) h(er) janne renu(n)cie(re)nde (et)c(etera)/
janne vander bruggen geheten metten gelden en(de) marien zine(n) wive/
en(de) heure goede hier na bescr(even) Te weten [ierst] een half boender bosch/
gelegen inde prochie van nurode ter plaetsen geheten inde scholpe/
tusschen de goede sgasthuys van arschot in deen zijde ende/
henricks van du(n)nemelc in dande(re) It(em) anderhalf dachmail bosch/
geheten dblocbosch gelegen aldair tusschen de goede arnds wilen/
h(er)dans in beiden zijden van nu voertane tot eeuwighen dagen/
costelois en(de) schadelois te houden ende tontheffen van alsulken/
twee mudden rogs erfs pachts der maten van arschot en(de) tarschot/
te leve(re)n als jan wilen vrancx van lye(r) ende nu [vacat] zijn/
wijf met wille(m)me van rode zijnen zwagher hebben en(de) houden(de)/
zijn op de voirs(creven) goede ende op een huys ende hof metten toebeh(oirden)/
houden(de) tsamen een boender of dair omtr(int) ende vijftich roeden/
of daer omtrint gelegen te nurode opte heyde der vors(creven) gelov(er)s/
neven den vynckenpoel en(de) op meer ande(re) goede ald(air) gelegen alsoe/
dat de voirs(creven) goede der voirs(creven) gehuyschen zij noch heur nacome/
linghe gheenssins daer voe(r) meer gepraempt en selen werden/
Et t(antu)m Cor(am) hoeven lynden aug(usti) vi
ContributorsJan Boncquet
Moderated byJan Boncquet
Last update: 2016-05-10 by Xavier Delacourt