It(em) also alse ten vervolghe jans van thienen en(de) thoryen gheylinghs zijnre/ zwagherinnen jan abertin stadhuld(er) tsmeyers van yncourt te laetwijck/ versocht es geweest te bedwinghen lenarde hannart tot den voldoene/ va(n) zeke(re) scepen(en) brieven va(n) lov(en) sprekende van iii(½) ryd(er)s (et)c(etera) en(de) de/ voirs(creven) stadhuld(er) mids den yersten openen brieve den voirs(creven) lenarde/ aentastte en(de) op geluften van voldoene van hem liet scheiden den welken/ de selve lenard nochtan niet na gevolght en es maer heeft daer nae
//
ten tweesten scrivene den voirs(creven) stadhulde(r) zeke(re) erve in handen gestelt/ om te vercopen zo wair de selve lenaird op heden niet en quame also/ de selve stadhulde(r) op heden voe(r) der noenen alse ten daghe van zijnre/ onschout (com)pare(re)nde alhier opgedaen heeft So es den voirs(creven) meye(r)/ biden raide vander stad alhier geappoenteert en(de) geseeght dat hij/ hem dien navolgende also verre aen den p(er)soene oft goeden voirger(uert) des/ voirs(creven) lenards also verre verrichte dat de voirs(creven) crediteurs vanden/ heuren en(de) hij stadhuld(er) van zinen costen deughdelic worden betaelt/ Act(um) tsvryd(aeghs) dec(embris) xviii