It(em) na dat jan van beert bider stad alhier heeft doen dach doen en(de) ontbieden/ andriese van voshem diens vroente die hij te houden plach hadde doen/ beleiden also hij dede blijcken op janne de hont van tween clinckairden/ tsjaers lijftochten met scepen(en) brieven van loeven bevesticht d(air)af hij jan/ vanden voirs(creven) andriese noch oic van nyeman(de) anders betaelt noch voldaen/ en conste gewerden also hij zeyde versueckende d(air)af trecht Ende de/ voirs(creven) andries eenwerff en(de) anderwerf hier om ontboden zijnde bijder/ stad tot zijnen verantw(er)dene niet gecomen en es so es den voirs(creven) janne/ vander stad geconsenteert zijn recht vanden voirs(creven) gebreke opten vors(creven)/ andriese met rastamente van zinen p(er)sone oft anderssins behoirlick/ te moegen vord(ere)n aengesien den voirs(creven) beleide en(de) den achterblivene/ svoirs(creven) andries Act(um) in pleno consilio dec(embris) xxiii