It(em) na dat ten versuecke peters de herrent poirt(er)s der stad van loeven/ gescreven es geweest den meye(r) van mercht(ere)n oft zijnen stedehoude(r)/ dat hij den voirs(creven) pet(ere)n ontsloeghe vander hachten d(air) hij inne was/ en(de) oft hij de voirs(creven) poirte(r) yet eysschen wilde dat hij des op/ heden te mistide alhier int recht voe(r) meye(r) en(de) scepen(en) quame (et)c(etera)/ So heeft hem de voirs(creven) poirte(r) alhier op heden in trecht voirs(creven)/ gep(rese)nteert daer de voirs(creven) meye(r) noch nyeman van zijnen wegen/ comen en es noch onschout gesonden en heeft Cor(am) scabinis in/ scampno sdonred(aeghs) julii ix