Item henric moreels woenen(de) te bevekem ende peter moreels/ zijn sone woenende int hof ter keysen in deen zijde en(de) gh(eer)t/ boseman meester te beausart in dande(re) hebben gelooft/ ongesundert ende onv(er)sceyden elc op eene(n) banduyn van thien/ rijders onder wat he(re)n zij bevonden selen werden te comen op/ in dondersdage naistcomende te mistide voir meye(r) en(de) scepen(en)/ van loeven(e) van huere(n) gescillen die zij hebben jegen malc/ anderen op dat zijs hiere(n)bynne(n) niet anders eens en werden/ en(de) dan aldair bliven jegen een te rechte uut tot dat tvo(n)nisse/ dair op geloepen sal zijn ende dan voirt te voldoene alle tgene/ des tvonisse sal leeren en(de) wijsen heyk(ens) cav(er)son ap(ri)lis sexta