It(em) also als in rechte comen zijn jan udekem natuerlic soen jorijs wilen/ van udekem ende henrick van holsbeke soen hildeg(ar)ts van holsbeke alse/ aenlegg(er)s in deen zijde en(de) jan rassin ter ande(re) Aldair de voirs(creven)/ aenlegg(ere)n deden lezen eenen scepen(en) brief van loeven spreken(de) van/ eenen ryde(r) lijftochten ten live der selver aenlegg(ere)n en(de) ten live des/ langhsten leven(de) van hen beiden bekind int jair xiiii[c] liiii xxii dage/ in octobri bij marien dochter reyners wilen van lyesch janne goede/ geheten van heze alairde goede geheten vander vyoletten ende raese/ van craenwijck Seggen(de) voirts de voirs(creven) aenlegge(re)n dat de vors(creven)/ raes van craenwijck aflivich wordden wae(r) en(de) dat zijn wijf geheten/ joffr(ouwe) jehanne du bray de have na den selven raese gebleven aengeveerd/ hadde en(de) d(air) na hadde de voirs(creven) jan raissin de selve joff(rouwe) jehanne/ getruwt na staet der heilig(er) kercken en(de) met heurer haven ae(n)geveerd/ also de voirs(creven) aenlegg(er)s boden te thoenen eysschen(de) en(de) versuecken(de)/ zo verre zij des volquamen dat de voirs(creven) jan hen voldoen soude/ vanden voirs(creven) scepen(en) brieve Dairaf zij van principale ende van/ eenen jairpachte zonder de loepende jairrinten van desen jae(r) in/ gebreke wae(re)n also zij seyden Daer tegen de voirs(creven) jan raissin/ hem v(er)antw(er)de met diversen redenen d(air)om hij meynde inden vors(creven)/ eysch ongehouden te wesen Ende de scepen(en) van loeven den voirs(creven)/ aenlegg(er)s wijsden tot heuren thoenisse des zij geheelic volquamen/ So hebben de scepen(en) van loeven t(er) maniss(en) smeyers gewijst voer een/ vo(n)nisse dat de voirs(creven) jan raissin gehouden zal zijn den vors(creven) aenlegg(er)s/ va(n) heuren gebreke vanden vors(creven) scepen(en) brieve te voldoene roel(ants) borgh heyk(ens) caverson maii viii