It(em) de voirs(creven) jan heeft den voirs(creven) wout(ere)n in handen gestelt de juwelen/ hier na genoemt Ierst zess gobbeletten gedraeyt met vergulden(en) boirden/ eenen waterpot gedraeyt ende de boirde vergult vier schalen d(air)af deene/ heeft vergulden boert wegende al tsamen tsestich en(de) een halve oncen/ in alsulker vueghen zo verre de voirs(creven) wouter vander voirs(creven) schult/ niet en werde betailt ten voirs(creven) daghe oft bynnen xiiii nachten d(air)nae/ dat dan de voirs(creven) woute(r) voe(r) de selve schult hebben en(de) behouden sal/ voe(r) zijn p(ro)pe(re) goed de voirs(creven) juwelen en(de) zijnen eygenen wille d(air)mede/ doen zonder die yet te dorven handelen met e(n)nighen rechte Cor(am)/ joh(ann)e vander hulst for(estario) et dictis scabinis t(am)q(uam) scab(inis) et opidanis lovan(iensibus)/ eodem