Allen den ghenen die dese l(ette)ren sullen sien oft hoe(re)n/ lesen burgermeeste(re)n scepen(en) en(de) raide der stat va(n)/ loven(en) saluyt ende alle vrientscap Doen cont en(de)/ te weten(e) dat opden dach datum van desen voir ons/ comen zijn is in p(er)sone katlijne van muysen(en) weduwe/ mathijs wilen mychiels met eene(n) momboir hair in/ desen verleent en(de) heeft geconstitueert gesedt volcome(n)/ macht procuracie en(de) auctoriteit ghegeve(n) tot hue(re)n weder/ roepen henricke machiels hue(re)n sone amelrike
//
vander coevort behouwede sone d(er) vors(creven) katlijnen janne/ mychiels en(de) janne van ost oft den eene(n) van hen/ bringer deser l(ette)ren alle en(de) yegewelcke hair saken/ questien en(de) gescillen die zij nu uutstaende heeft oft/ namails uutstaen(de) hebben sal mogen tegen wat p(er)sone(n)/ dat dat zij en(de) voir wat gerichte gheestelic en(de)/ weerlic inden lande van brabant oft d(air) buyten alle/ hair chijsen renten erfpachten en(de) sculden te manen/ teysschen opte boe(re)n en(de) tontfanghen [quit(ancie) te gheven(e)] dair voir te panden/ te daghen rastementen te doen leggen alle scepen(en)/ brieve(n) te vonnissen die met rechte texeque(re)n voir/ alle gerichten die te bedinghen te wynnen/ en(de) te verliesen die te replice(re)n te duplice(re)n (et)c(etera)/ getuygen ofs behoefde te leiden (et)c(etera) En(de) vortaen/ generalic (et)c(etera) en(de) wes deen vand(en) procur(eur)s (et)c(etera)/ promitt(ens) rat(um) salvo iusto calculo cor(am) hanck(art)/ substituto burg(imagistro) roelofs vos scab(inis) ja(nuarii) x