Allen den ghenen (et)c(etera) henr(ic) mynnemoen onse ingeseten poirt(er) heeft/ geconstitueert in zijn stad gestelt en(de) wettelic gemechticht en(de)/(con)stitueert in zijn stad stelt en(de) wettelike mechticht met des(en)/ l(ette)ren henricken gheermans geheten vanden hove soen wilen henr(ix)/ om alle alsulken recht actie en(de) gedeelte alse den vors(creven) (con)stitueerd(er)/ aengestorven zijn na en(de) vander doot jans wilen van winxele/ in alle en(de) yegewelke omberuerlike goede na den selven wile(n)/ janne gebleven hoedanich die zijn Te aenveerden te hantplichte(n)/ en(de) te rege(re)n de rinten pachten en(de) p(ro)fijten d(air)af uutstaende/ en(de) voirtaen verschinende op te boe(re)n en(de) tontfanghen de vors(creven)/ zijn recht actie en(de) gedeelte met den renten pachten en(de) p(ro)fijten/ voirger(uert) met rechte teyschen te vervolghen en(de) ten ynde uut/ te bedinghen dair voe(r) te panden te daghen en(de) rastamente/ te doen leggen [composicie en(de)] mynlike yffeninghe en(de) d(air)af te maken en(de) die/ te wynnen en(de) te verliesen in allen plaetsen en(de) gerichten/ en(de) tegen eene(n)yegeliken dair dat behoiren en(de) te doen sal moegen/ wesen en(de) alle manie(re)n en(de) pointen van en(de) vord(er)inghen van rechte/ dair inne te houden en(de) te vorde(re)n die d(air)toe na recht of costume/ vand(en) plaetsen dair dat geboirt behoiren moegen en(de) den vors(creven)/ p(ro)cureur orb(er)lic duncken selen en(de) d(air)af oic dairaf minlic te/ verliken en(de) te compone(re)n quijt te schelden en(de) quitancie te gheven/ En(de) voirts alle tghene d(air) inne te doen ende te vorde(re)n het zij inde(n)/ rechte oft dair buyten dat de vors(creven) (con)stitueerd(er) selve doen soude of/ mochte wairt dat hij in p(er)sone voer oeghen wae(r) Gelovende/ de selve constitueerd(er) goed vast en(de) gestentich te houden tot eeuwige(n)/ daghen wes bijden voirs(creven) zijnen p(ro)cureur d(air) inne of in des d(air)aen/ cleven mach gedaen en(de) gevord(er)t sal werden behoudelic dat de/ selve p(ro)cureur gehouden zijn sal goede rekeninghe en(de) bewijs te/ doen van zijnen bewynde en(de) hantheringhen den vors(creven) constitueerd(er)/ alt(oes) als hij des van hem beghe(re)n [sal] dwelck de selve p(ro)cureur oic/ also gelooft heeft hem te doen Cor(am) hanck(ar)t sub(stitu)[to] burg(imagistro) b(er)ghe/ vos scabinis marcii vii