Item joes van rotselair dien bijden raide vander stad op ghist(ere)n v(er)leend/ en(de) geconsenteert wairt de biestpoirte om aldair gelevert te nemen/ symoene van haesdonck voe(r) tvoldoen van zek(ere)n scepen(en) brieven/ va(n) loeven sprekende van ii ryders lijftochten die de vors(creven) joes/ opten selven symoene gevo(n)nist heeft welck symoen voe(r) tvoldoen/ der selve(r) inder vroenten marcks crauwel vorst(er)s te loeven/ geweest heeft en(de) noch es en(de) aldair geseten des op en maendage/ naistcomen(de) x weken zijn sal zo de voirs(creven) joes zeide heeft/ de selve joes renu(n)cie(re)nde in des(en) der p(ri)vilegien vand(er) univ(er)siteit/ van loeven die porte geaccepteert en(de) de selve joes en(de) oic/ met hem jan vander meeren soen wilen elegast van humelghem/ en(de) janne vander heylen stee eycken steenhouwe(r) woenen(de) te/ loeven op de voe(r) gelooft der stad va(n) lov(en) en(de) eene(n)yegeliken/ anders geint(er)est zijnde inne te stane van allen lasten ende/ schaden die der voirs(creven) stad oft ande(re)n int(er)est zijnde d(air)aff/ comen oft gerisen zullen moegen uut ocsuyne der lev(er)inghen/ des vors(creven) symoens op dat hij ald(air) inder poirten gelevert/ wordt Ende de vors(creven) jan vander mee(re)n heeft gelooft/ den vors(creven) joese en(de) janne vand(er) eycken h(ier)af scadel(oes) te houde(n)/ en(de) tontheffen Cor(am) vos heyk(ens) maii vi