It(em) het sij comen te rechte inde banck voir meye(r) ende scepen(en)/ van loven(e) de weduwe gerart wijlen van crehain aenlegghersse/ ter eend(er) zijden ende raes vander rivie(re)n meye(r) van nederlinthe(r) ter/ ande(re) Aldair de voirs(creven) weduwe den voirs(creven) raese aensprack/ segghende dat hij haer onder dande(re) van pechtinghen oft/ hueringhen van scepen(en) brieven van loven(e) van zeke(re)n goeden tev(er)nas/ gheleghen ende dair omtrent schuldich was twintich rinssche/ gulden(en) die sij begheerde van hem te hebben(e) nae uutwijsen der/ selv(er) pechtinghen Dair op de voirs(creven) raes hem verantw(er)de dede/ segghen p(rese)nte(re)nde dat hij ghij ghereedt wae(r) die op te legghen(e)/ behalven dat hem tafslaghe quame alsulken schade als hij gehadt/ hadde aen de selve pechtinghe(n) vanden volke van wapen(en) ende nae/ uutwijsen zeke(re) mandementen m(ijns) ghened(ichs) she(re)n sh(er)toghen dair op v(er)leent/ en(de) ghepubliceert die hij p(rese)nteerde te bewijsen met levender waerh(eit)/ oft v(er)ificacie(n) vander wedt dair die ghebuert wae(re)n hopen(de) dat/ hem dat schuldich sal sijn te gheschieden Wair op de he(re)n scepen(en)/ van loven(e) ter manissen smeyers nae aenspraken en(de) verantweerden/ wesen voir een vo(n)nisse dat de voirs(creven) raes de voirs(creven) xx rinssche/ gulden(en) stellen soude inder stad wissel van loven(e) totten rechte opde/ p(rese)ntacie die hij ghep(rese)nteert hadde cor(am) roelants roelofs lyemi(n)ghe(n)/ vos heykens junii x[a]