Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en) saluyt Doen/ cont en(de) te weten dat voir ons comen is her jan tans/ prieste(r) en(de) heeft geconstitueert gesedt volcomen macht/ procuracie en(de) auctoriteit gegeven tot zijnen wederroepen/ wille(m)me van aetrode sone wilen gheerts woenen(de) te buedinge(n)/ alle en(de) yegewelcke sijn chijsen renten erfpachten ende/ sculden die de vors(creven) her jan heeft en(de) men hem sculdich/ is in wat plaetsen dat zij in brabant te manen/ teysschen opteboren en(de) tontfangen dair voir te panden/ te dagen rastementen te doen legghen descepen(en) brieven/ te vonnissen die met rechte en(de) al des vors(creven) is texeque(re)n/ voer alle gerichten gheestelic en(de) weerlic den sculd(eren)/ te quiteren en(de) volcomen quitancie te gheven getuyghen/ ofs behoeft te leiden d(er) beider p(ar)tien getuygen te sien zwere(n)/ die te batte(re)n te replice(re)n te duplice(re)n also wale int/ principael als int accesseur also dicwille en(de) menichwerve(n)/ als des te doen sal zijn en(de) vortaen generalic ende/ specialic promitten(s) ratum [cu(m) revocat(ione)] salvo iusto calculo cor(am)/ ourogge burg(imagistro) roelofs berge scabinis oct(obris) xvii