Item als vanden voirs(creven) scepen(en) brieve vanden rijd(ers) erflic is vorw(er)de/ dat de voirs(creven) heffers doen jairlix zo wanneer hij gevallen is
//
opheffen zullen en(de) dien ten meesten orber vanden voirs(creven) kynde(re)n/ vortkeren zoe hen dat duncken sal behoe(re)nde zonder den/ vader vanden selven kynde(re)n hem dair inne e(n)nich recht/ te hebben in e(n)niger manie(re)n niet wederstaende dat de/ selve kynde(re) in zijnen brode zijn Ende also verre de vors(creven)/ rente afgequeten worde datmen altoes de pe(n)ninghen/ van dien wedero(m)me in geliken renten ter selver natue(re)n/ en(de) tot behoef als voir aenleggen sal behoudelic dair/ inne alle weghen den voirs(creven) heffers hue(r) heffen gelijck/ voirs(creven) steet ende behoudelic oic den selven heffers/ altoes huer behulp metten vors(creven) scepen(en) brieve tallen/ tijden als hen dat gelieve(n) sal om de vors(creven) renten ander/ sins met behoirliker vesticheit te doen bevestighen/ na terme(n) vanden voirs(creven) scepen(en) brieve eisd(em)