Allen den ghenen die dese l(ette)ren sullen sien oft hoe(re)n lesen/ burgermeeste(re)n scepen(en) en(de) raide der stat van loven(en)/ saluyt en(de) alle vrientscap Doen cont en(de) te weten/ dat opden dach datum van desen voir ons comen zijn/ brued(er) gheert roelants als procur(eur) en(de) procurator profes/ en(de) [als] procurator vanden godshuyse van sente mertens bynnen/ loven(en) inden name en(de) van weghen des voirs(creven) godshuys/ hebbende van des nabescreve(n) is volcomen procuracie vand(en)/ selven godshuyse te moghen substitue(re)n en(de) willem vanden/ hove sone wilen willems en(de) hebben geconstitueert/ gesedt volcomen macht procuracie en(de) auctoriteit gegeve(n)/ mathijse van raetshoven alle en(de) yegewelcke chijsen rente(n)/ erfpachten en(de) sculden die den vors(creven) godshuyse en(de) willem(me)/ bleven zijn v.. met testamente en(de) den vors(creven) willem(me)/ verstorven van wilen jouffr(ouwen) alijten vander beken/ gelegen te wanghe te raetshove(n) te ned(er)wynde ov(er)wynde/ te lare te grymde te wolmershem tijseren te houthem/ en(de) dair omtrent te manen teysschen op te boe(re)n ende/ tontfanghen die te vervolghen dair voir te panden/ te daghen rastementen te doen leggen die met rechte/ texeque(re)n die te bedinghen te wynne(n) en(de) te verliesen/ oft composicie d(air)af te maken voir alle gerichten/ gheestelic en(de) weerlic getuygen ofs behoeft te leiden/ d(er) wederp(ar)tien getuygen te sien zwe(re)n die te batte(re)n te/ replice(re)n te duplice(re)n also wale int principael als int/ accessoir also dicwille als des te doen sal zijn/ den sculders te quiten(e) en(de) quit(ancie) te gheven En(de) vortaen/ generalic en(de) specialic (et)c(etera) P(ro)mitt(entes) ratu(m) salvo iusto/ calculo cor(am) hanckart substituto roelofs vos scab(inis)/ ja(nuarii) iii