It(em) na dien dat in rechte comen zijn inde banck voe(r) meye(r) en(de)/ scepen(en) van loeven goessen vanden eynde ter eenre en(de) henr(ick) reers/ ter ande(r) zijden Aldair de voirs(creven) goessen dede zeggen dat hij/ tegen tgoidshuys vander came(re)n zeke(r) steenland genomen hadde/ in hueringhen en(de) tselve land voirt gedeilt den vors(creven) henr(icke)/ reers en(de) dat de selve henrick reers also wale gehouden es/ inde hueringhe aen tvoirs(creven) goidshuys als de voirs(creven) goessen en(de)/ dat tselve goidshuys elcken soude moegen pramen int geheele/ Seggende voirt de selve goessen dat hij de hueringhe aen/ tvoirs(creven) goidshuys all hadde moeten betalen meynen(de) d(air)om/ dat de voirs(creven) henrick gehouden soude zijn hem van zijnen/ gedeelte aen tselve goidshuys tontheffen Dair op de vors(creven)/ henrick reers dede zeggen dat hij den voirs(creven) goidshuyse van/ zijnen gedeelte voldaen hadde ende vernueght alsoe dat de vors(creven)/ goessen mids fauten van betalinghen desselfs henricke niet/ gepraemt en was noch gepraemt en soude worden en(de) oft de/ selve goessen e(n)nichssins gepraemt wae(re) geweest dat en es/ niet mids fauten van betalinghen des voirs(creven) henricks mair mach/ zijn mids fauten van hem selven biedende dat te thoenen En(de)/ thoenisse in beiden zijden gehoirt zijnde es gewijst ter/ manissen tsmeyers bijden he(re)n scepen(en) van loeven dat de voirs(creven)/ henrick reers vander voirs(creven) aenspraken ongehouden sal zijn/ Cor(am) roelants roelofs berghe langr(ode) vos heyk(ens) m(ar)cii iiii ii