It(em) arnt scrijnken scepman die ind(er) vroenten jans de briede(re) wonen(de) inde(n)/ hovel vorst(er)s te loven(e) hadde doen setten willem(me) van leefdale voir zeke(re)/ scepen(en) brieve(n) spreken(de) van xiii mudde(n) corens der maten van loven(e)/ es ghegaen met den scep(enen) h(ier) nae ghenoempt ind(en) vroenten desselfs/ jans de briede(re) den voirs(creven) willem(me) ald(air) soeken(de) den welken hij ald(air) niet/ vonden en heeft Es dair o(m)me de selve vroente nae recht beleydt cor(am)/ roelants vos april(is) p(rim)[a]