Allen den ghenen (et)c(etera) jan de witte soen wilen jans onse ingeseten/ poirt(er) heeft geconstitueert gestelt en(de) geordineert en(de) met des(en)/ l(ette)ren constitueert stelt en(de) ordineert zijne p(ro)cureurs ende/ voirgang(er)s joese vanden poele en(de) wille(m)me van leefdale in/ allen zijnen saken geschillen en(de) bederven die hij nu uutstaen(de)/ heeft of namails hebben sal moegen in aenlegg(er)s of verweerd(er)s/ stad hoedanich die zijn Geven(de) en(de) verleenen(de) de vors(creven) (con)stitueerd(er)/ den vors(creven) zijnen p(ro)cureurs en(de) elken bizund(er) thoenre des(er) l(ette)ren/ volcomen macht auctoriteit en(de) zunderlinghe beveel alle/ de selve saken met rechte te verwaren te beschudden te v(er)volge(n)/ en(de) te bedinghen tallen plaetsen en(de) gerichten en(de) teghen/ eene(n)yegeliken dair des behoeven en(de) te doen sal wesen En(de)/ desgelijcx om alle des vors(creven) constitueerd(er)s tsijze rinten/ pachten en(de) ande(re) sculden diemen [hem] nu sculdich es of namails/ wesen sal te cortbeke ov(er)loe te lovenjoul te bierbeke te libbeke/en(de) te vertrijcke en(de) eld(er)s Te manen teysschen op te boe(re)n en(de)/ tontfanghen den sculde(re)n van heuren ontfanghe quijt te schelden/ en(de) quitancie te gheven daghe en(de) respijt te verleenen vanden/ ande(re)n dair voe(r) te panden te daghen en(de) rastamente te doen leggen/ composicie en(de) mynlike yffeninghe dairaf te maken scepen(en) brieve/ te vo(n)niss(en) en(de) die texeque(re)n De selve tsijze rinten pachten en(de)/ sculden met rechte teyschen en(de) te vervolgen die te wynnen en(de)/ te verliesen getuygen ofts behoeft te leiden der wed(er)p(ar)tien/ getuygen te sien zweren die te batte(re)n te replice(re)n te duplice(re)n/ also wael int principael als int accessoir also dicwile en(de)/ menichwerven als des te doen zijn sal en(de) alle poenten en(de)/ articulen van rechte d(air)toe te vord(ere)n die na recht of costume/ vand(en) plaetsen dair dat geboert behoiren moegen en(de) den vors(creven)/ p(ro)cur(eur)s orb(er)lic duncken selen En(de) voirts all tghene (et)c(etera) Gelov(ende)/ vast Cu(m) comput(atione) (et) revoc(atione) Cor(am) hanck(ar)t viceburg(imagistr)[o] vos/ heyk(ens) scabinis maii xxii