It(em) jan ende peet(er) robbijns ghebruede(r) hebben ghelooft indivisim/ anthonijse robbijns hue(re)n oem dair teghewoirdich sijnde ende/ accepteren(de) dat sij evenv(er)re dat in hen es den selve(n) anthonijse/ besetten bewijsen ende veronderpanden sullen om zeke(re) goede pande/ te wave(r) ende dair omtrint gheleghen Dair voe(r) goetghenoech/ sijnde t(er) taxacien vander wet alsulke xii mudden rogs der maten/ van wave(r) erf(pachts) die sij hem schuldich sijn te verpanden(e) nae uutwijsen(e)/ der uutspraken dair af voirmaels gheschiet int jair van lix[e(n)] tussche(n)/ den voirs(creven) anthonijse ende (christ)inen moeder der voirs(creven) ghebruede(re)n ende/ naevolghende der gheluften bijden voirg(enoemde) ghebruede(re)n ghedaen vande(n)/ selve(n) xii mudde(n) rogge(n) m(ar)tii xxii lestleden onder ger(ard) van bruesselle/ Ende oick op te legghen(e) alsulke vroentcosten als jan robbijns nu t(er)tijt/ eene(n) tijt van sesse jairen langk ghedaen heeft Alsoe dat coste van rechte/ sijn ende men bevindt den voirs(creven) janne met rechte dair inne ghehoude(n)/ te zijne Ende de voirs(creven) vestich(eit) ghedaen sijnde salme(n) de voirs(creven) ghelufte(n)/ te nyeute doen Ende h(ie) voe(r) es borghe d(er) voirg(enoemde) ghebruede(re)n peeter/ beyaert Ende d(air) af hebben ghelooft jan ende pet(er) robbijns den selve(n)/ pete(re)n tontheffen(e) Ende de voirs(creven) jan ende pet(er) ghebruede(r) heefbben voort/ ghelooft dat sij int doen vander voirg(enoemde) vestich(eit) op hen neme(n) ende v(er)va(n)ge(n)/ sullen robbeerte ende romboute robbijns hue(re) bruede(re)n nu afhendich sijnde/ dat sij tusschen dit ende kersmisse naestc(omende) eve(n)verre men bevindt nae/ recht bevindt alsdan hen mu(n)dich te zijne come(n) sullen t(er) plaetssen dair/ dat behoirt ende den voirg(enoemde) anthonijse aldair insgelijx vestich(eit) doen opt/ ghedeelte van hue(re)n panden cor(am) roelants roelofs junii xxviii