It(em) meester claes spierinck ende barbele colve zijn wijf dochter willems/ wilen colve in p(rese)ncia (et)c(etera) hebben gelaudeert ende geratificeert alsulken/ testament en(de) uutersten wille alse h(er)willem wilen edelhee(re) priest(er) tand(ere)n/ tijden van allen zijnen goeden rinten en(de) schulden geordineert ende gemaict/ heeft Ende hebben gelooft tselve testament in allen zijne(n) poente(n)/ en(de) articulen aen eenenyegeliken dien dat aengaen mach volcomelic/ tonderhouden alsoe verre hen dat aentangeert oft aentaenge(re)n soude/ moeghen in e(n)nigher manie(re)n en(de) dair tegen niet te gaene doene te/ comene oft enighe relevemente oft restitucien te vercrigene en(de) oft zij/ e(n)nighe van dien vercregen dat zij dier niet gebruycken en zullen/ bij hen selven oft yeman(de) anders van heuren wegen in e(n)nighen rechte/ gheestelic oft weerlic in e(n)niger manie(re)n tegen tghene des vors(creven) es/ Quite(re)nde voirt de selve claes ende barbele zijn wijf voer hen/ heuren erven en(de) nacomelinghen inden name en(de) tot behoef vanden execu/ teurs vanden voirs(creven) testamente en(de) eensyegelijcx anders recht en(de) actie/ hebben(de) inde goede rinten ende schulden voirs(creven) alle heur recht p(ro)p(ri)e/ teit en(de) actie als hen dair inne geboert es oft geboe(re)n soude moege(n)/ te wat plaetsen oft steden die gelegen zijn Bekennen(de) hen inde/ selve goede rinten en(de) schulden egheen recht actie toeseggen oft int(er)est/ te hebben oft te behouden in e(n)nig(er) manie(re)n En(de) geloven den vors(creven) execu/ teurs en(de) eene(n)yegeliken dien dat aengaen mach van des vors(creven) es/ ne(m)mermeer aen te spreken Ende voirt ter manissen van hen en(de) elcx/ van hen voer alle gerichten he(re)n ende hoven dair dat behoiren ende/ behoeven soude moeghen vanden selven heuren rechte en(de) actien alt(ijt)/ genoech te doen tot allen coste ende laste sgheens die dat versuecken/ zall Ende want hen de voirs(creven) gehuyschen tande(re)n tijden en(de) bynne(n)/ den levene des vors(creven) h(ere)nwillems becroent hebben dat de selve h(er)willem/ in hen grotelic gehouden was So hebben de vors(creven) executeurs/ om de ziele desselfs h(er)willems dairaf volcomelic tontlasten zo/ verre hij in hen yet gehouden ware den selven gehuyschen inde/ stat van dien gegeven en(de) uutgereict in gereden pe(n)ninghen de/ so(m)me van xxxvi cronen te lxxii pl(a)c(ken) tstuc ende dat van g(ra)cien/ en(de) niet van rechte Welke pe(n)ninghe zij bekindt hebben also gehave(n)/ en(de) ontfanghen te hebben en(de) dair mede de ziele desselfs h(ere)nwillems/ van dien en(de) van allen ande(re)n saken optichten en(de) eysschinghen hoe/ danich die zijn moegen volcomelic ontlast en(de) gequiteert hebben/ en(de) mids desen quijtschelden Cor(am) vos tybe sept(embris) iii