It(em) sijn den voirs(creven) gheerde in meerder vestich(eit) der voirs(creven) rinten in/ bijder voirs(creven) weduwen in handen gestelt en(de) gelevert met rechte de/ juwelen hier na bescr(even) Te weten ierst drie zilve(re)n croese van/ eenen fautschoene de boerde vergult It(em) noch drie croese van/ eenen ande(re)n fautschoene ter middelt vergult Ende vii zilve(re)n/ schalen wegende all tsamen zeven marck troysch om den/ vors(creven) gheerde oft trecht en(de) actie vanden vors(creven) rinten of scepen(en)/ brieve namails hebben(de) de selve rinte en(de) dinhoudt vanden/ vors(creven) scepen(en) brieven dair aen te moegen nemen en(de) v(er)reicken/ zo wanneer hem gelieft en(de) hij d(air)af in gebreke es ende/ die met rechte ten prijse van juwelie(re)n oft goudsmeden hen des/ verstaende vercoopen en(de) ten hooghsten bringhen Schiett dair yet/ over dat zal hij wed(er)ke(r)en en(de) oft dairl yet gebrect dat zal hij/ aende vors(creven) schuld(er)s oft heure goede moegen verhalen En(de) de/ voirs(creven) rinte afgequeten of and(er)ssins verpandt zijnde zo salmen/ des der vors(creven) juwelen der vors(creven) weduwen laten volghen Cor(am)/ hugone de udekem substituto villici lovanien(sis) et d(i)c(t)is scabinis Coram/ eodem