It(em) vander questien die geweest es voe(r) den raide vander stad tuschen/ h(ere)n mychiele absoloens ridde(r) ter eenre ende henricken willems ter/ ande(r) zijden van alsulken twee gelten wijns alse de vors(creven) h(er)mychiel/ jairlicx eysschende was ende hadde te kersmisse vallende alsoe hij/ te kynnen gaff met eender chijsrollen Op de h(er)berghe met der/ toebehoirten geheten den wolf den voirs(creven) henricken toebehoiren(de)/ gelegen inde steenstrate die de voirs(creven) henrick meynde te betalen/ met lantwijne alsulken als nu gewassen was Dairaff de vors(creven)/ h(er)mychiel sustineerde te hebben ten minsten voe(r) de quarte eenen/ lieliart mids dat de voirs(creven) zijn chijsrolle niet en specificeerde/ van e(n)nighen lantwijne Was bij overgheven van p(ar)tien geappoint(eer)t/ dat de voirs(creven) henrick den voirs(creven) h(ere)nmychiele jairlicx voer elken/ pot gheven soude anderhalff pl(a)c(ken) payments Cor(am) moelen burg(imagistro)/ berghe caverson scabinis et aliis de consilio decembr(is) xiii