It(em) jan le saige de jonghe poirt(er) der stad van loeven die hem met der/ stad brieven aenden bailli vanden walschen brab(ant) oft philipse/ de prumelles zijnen stedehoude(r) heeft doen uutscriven vand(er)/ hachten dair hij bij he(m) inne was gestelt en(de) oic vand(er) gelufte(n)/ en(de) caucien die hij hadde gedaen te genapien rechts te plegen
//
so verre hij niet bewisen en conste poirter te zijne en(de) den selven/ bailli ende stedeh(ouder) op heden dach van rechte doen bescheiden/ heeft de selve poirter hem op heden tegen den voirs(creven) bailli/ en(de) stedehoude(r) te rechte gep(rese)nteert Om taenhoiren daensp(ra)ke/ die zij oft deen van hen op hem souden willen doen Ald(air)/ zij noch gheen van hen comen en zijn Cor(am) abs(oloens) roelants/ vync caverson tybe januarii xi