Allen den ghenen (et)c(etera) dat katlijne vanden male weduwe henricx wilen/ van bossuyt onse ingesetene heeft wettelic gemechticht en(de) volcomen/ macht gegeven en(de) met des(en) l(ette)ren mechtich maict en(de) volcomen macht/ gheeft henricken ende katlijnen van bossuyt huere kynde(re)n der/ selver katlijnen der dochter uut den brode der selver heurer moed(er)/ behoirlic gedaen henricken vander moelen woenen(de) terkenen janne/ van ost janne de laitre ende arnde gielkens beide van gottekem/ en(de) elken besunder thoenre des(er) l(ette)ren Om alle der vors(creven) weduwen/ tsijze renten pachten lijftochten en(de) ande(r) schulden diemen heure/ nu sculdich es oft namails wesen sall Te manen teysschen/ op te boe(re)n ende tontfanghen den sculde(re)n van heuren ontfanghe/ quijt te schelden en(de) quitancie te gheven dair voe(r) te panden te dagen/ en(de) rastamente te doen leggen composicie en(de) mynlike yffeninge/ dairaff te maken scepen(en) brieve te vo(n)niss(en) ende die texeque(re)n/ Ende desgelijcx om alle der voirs(creven) weduwen ande(r) saken ende/ stucken die zij nu uutstaende heeft oft namails hebben sal moegen/ in aenlegg(er)s oft verweerd(er)s stat hoedanich die zijn met rechte/ te verwaren te beschudden te vervolghen en(de) te bedingen te wynnen/ en(de) te verliesen tallen plaetsen voer alle gerichten en(de) tegen eenen/ yegeliken dair des behoeven en(de) te doen sall moegen wesen getuygen/ te leyden der wed(er)p(ar)tien getuygen te sien zwee(re)n die te batte(re)n te/ replice(re)n te duplice(re)n also wail int principail als int accesseur/ en(de) alle poenten van rechte dair toe te vorde(re)n die na recht d(air)toe/ behoiren moegen Ende voirts alle tghene (et)c(etera) p(ro)mitt(ens) rat(um) salvo/ iusto calculo Cor(am) moelen burg(imagistro) caverson tybe scab(inis) julii xv