Item navolgende der submissien geschiet augusti quinta lestled(en)/ tuschen wile(m)me va(n) bierbeke alse p(ro)cureur joff(rouwe) katlijnen/ weduwe boudewijns wilen van dagb(er)mont ter eenre en(de)/ wille(m)me pols ter ande(re) die hen verbonden hadden in segg(ere)n/ en(de) mynlike yffene(re)n Alse vanden meswynnen(en) van zek(ere)n/ landen vanden hove van dagb(er)mont en(de) van allen ande(re)n/ artic(u)len inder pechtingen der vors(creven) goede begrepen ende/ voirts van alles des zij malcande(re)n eyschen(de) zijn mochten/ tot dien daghe toe So hebben de segg(ere)n inder vors(creven)/ submissien begrepen te weten gheerd boisman baudewijn/ van vileer janne lyebrechts[eerts] meye(r) t(er) sluysen ende mathijs/ van ayweyns heur uutsprake gedaen inder manie(re)n/ hier na volgende Ierst dat de voirs(creven) willem pols/ alse voe(r) dmeswynnen der vors(creven) lande der vors(creven) joff(rouwe)/ oft heuren p(ro)cur(eur) gheven ende betalen sall de so(m)me van/ vijftich rinsch gulden(en) te xx stuv(er)s tstuc iii pl(a)c(ken) den/ stuver half te kersmisse naistcomen(de) en(de) half te sinxen(en)/ dair na volgende Ende desgelijcx sall de voirs(creven) willem/ pols alse van dat hij sculdich es te acke(re)n x dachmail/ lants vanden vors(creven) landen ende van zek(ere)n costen die de/ vors(creven) p(ro)cur(eur) gedaen heeft inden vervolghe vander voirs(creven)/ saken der selv(er) joff(rouwe) oft p(ro)cur(eur) betalen sess clinck(ar)ts/ te xiiii stuv(er)s ind(er) werden vors(creven) En(de) dat de vors(creven) willem/ der vors(creven) joffr(ouwe) halen sall twee voeder houts op beelcuyt/ Aldair de vors(creven) joff(rouwe) dat betalen sal Ende dat mids/ des(en) uutspraken de voirs(creven) p(ar)tien verenicht en(de) beslicht/ selen [zijn] vanden geschille vorscr(even) tot eeuwigen daghen/ Behoudelic wairt dat namails enighe donckernisse/ dairinne geboerde die behouden de selve segge(re)n te/ henw(er)t ende tot heurer int(er)pretacien om die uutgesproken en(de) gecleerd/ te werden dair en(de) alsoe behoiren sall Cor(am) abs(oloens) vync/ septembr(is) xi