It(em) de voirs(creven) joncker gielijs ende jouff(rouwe) katlijne hebben gekindt en(de)/ gelijdt voer hen en(de) heuren nacomelinghen dat zij inde stat va(n)/ dien lxxx rinsch gulden(en) erflic die de vors(creven) wilen meester/ jorijs duret hadde op dbosch van scoenvorst gelegen op merdal/ gehouden te leene van mijnen hee(re) van croy en(de) die de selve/ meester jorijs met testamente gemaict ende geordineert heeft/ tot behoef van drien armen scholie(re)n stude(re)nde inder faculteit/ van arten en(de) eender dagelijcscher missen gedaen te worden/ op de clerck capelle gelijc tselve testament vander daet/ xiiii[c] lxxx junii deci(m)atercia dat clairlijc uutwijst en(de) begrijpt/ overgegeven en(de) getranspoirteert hebben der vors(creven) faculteit
//
van arten ende met desen transpoirte(re)n en(de) gheven over tot name en(de) behoef/ der drie borssen vanden iii scolie(re)n en(de) dagelijcscher missen vors(creven) Alsulken/ tweelff l(i)b(ra) gr(oote) vleemsch erfrenten alse de vors(creven) meest(er) jorijs and(er)wile/ gecocht en(de) gecregen heeft op de stad van brugghe gelijc de brieve/ d(air)aff zijnde vand(er) daet xiiii[c] [vacat] dat uutwisen/ Geloven(de) hen hieraff warand te zijne tot eeuwigen dagen en(de) oft zij/ voird(er) vestich(eit) behoefden zo hebben de vors(creven) gehuyschen gelooft sonder/ heuren cost die te doen dair dat behoeven sall Cor(am) eisdem