It(em) joff(rouwe) katlijne van groesbeke weduwe wouters wilen vynck/ heeft gelooft janne goederthuys die ter begerten ende ond(er)wijse/ vanden h(ere)n vander stad raide heur in handen gedaen heeft alsulke/ rekenboecken als hij gemaict heeft ende zij noch tachter es m(ijn)/ hee(re) van croy over te gheven vanden bewynde des voirs(creven)/ wilen wouters dat hij van mijns he(re)n van croy goede heeft/ gehadt Dat zij so vollic die rekeningen oft e(n)nige van/ dien te hove gehadt hebbende in heure handen comen sullen/ zijn die weder over leve(re)n sall den voirs(creven) janne in zijnen/ handen die de selve jan alsdan in handen houden sall tot/ der tijt dat de vors(creven) wethoude(re)n geordineert en(de) getaxeert/ sullen hebben tghene dat jan na zijnen eysche die hij va(n)/ montcoste pijne en(de) arbeide gedaen heeft oft doen sal tver/ antwerden d(aer)op gehoirt na redelicheit sculdich zal zijn te/ hebben Dwelc getaxeert zij gelooft heeft hem te betalen/ en(de) d(aer)af te contente(re)n t(am)q(uam) ass(ecutu)[m] Ende dae(re)nteynden dat/ voldaen heeft gelooft de vors(creven) jan renu(n)c(ians) (et)c(etera) dat hij heur/ theurer manissen rekeninghe doen sal ende bewijs vanden/ bewynde ontfanghe en(de) uutgevene dat hij van des vors(creven)/ wout(er)s weghen heeft gehadt en(de) des hij d(aer)af tacht(er) sall/ moegen zijn heur deughdelic op te leggen ende te betalen/ Cor(am) roelants caverson dec(embris) iii