Item baudewin van cokeroul ende joffr(ouwe) margriete van worme/ zijn wettighe huysvrouwe in p(rese)ncia (et)c(etera) hebben openbairlic bekindt/ dat hen jan pynnoc alse clerck vander tafelen vanden groten/ heilighengheest te loeven volcomelic vernueght en(de) betailt heeft/ van alsulken hondert gulden peters te xviii stuv(er)s tstuc iii/ pl(a)c(ken) den stuver Alse de voirs(creven) tafele den voirs(creven) gehuyschen/ sculdich ende belanck was uut saken vanden cope van dien/ iiii(½) mudden rogs der maten van loeven erflicx pachts leens/ die de momboers der voirs(creven) tafelen tot behoef der selve(n)/ tegen de voirs(creven) gehuysschen gecocht ende gecregen hebben en(de)/ de selve gehuyschen hadden ende houdende waren Aen ende op/ vier boende(r) leengoeds wilen toebehoirende claese wilen van/ udekem Dairnae wout(ere)n wilen van laethem en(de) nu h(ere)n joese/ van cruyninghen ridde(r) gelegen inde prochie van bierbeke/ voer de woeninghe jans van bierbeke naist den goeden sgoidsh(uys)/ van s(in)te g(er)truyden te loeven der erfgenamen jans wilen/ vanden tymple ende svoirs(creven) wilen jans van bierbeke Scelden(de)/ der voirs(creven) tafelen janne pynnoc ende alle ande(re) des quitancie/ behoeven(de) vanden voirs(creven) hondert peters volcomelic quijt p(rom)itt(entes)/ non alloqui sed war(andizare) Cor(am) caverson tybe julii xiiii