Allen (et)c(etera) doen cond dat ywein van ophem ende joff(rouwe) marie van grymb(er)gen/ geheten van assche zijn medegesellinne hebben wettelic gemechticht en(de)/ volcomen macht gegeven ende met des(en) l(ette)ren mechtich maict en(de) volcomen/ macht gheeft joese van oirbeke janne van ost pet(ere)n van malle hoedemake(r)/ gielijse vander h(er)straten mychiele de witte diene(re) adriaens va(n) assche/ ende adriaene merre diene(re) der voirs(creven) gehuysschen en(de) elken besunder thoenre/ des(er) l(ette)ren Om alle alsulken saken geschillen en(de) bederven alse zij nu/ uutstaen(de) heeft hebben oft namails hebben selen moegen in aenlegg(er)s/ oft verweerd(er)s stat hoedanich die zijn met rechte te verwa(r)en te bescudde(n)/ te vervolgen ende te bedinghen die te wynnen en(de) te verliesen talle(n) plaetse(n)/ voer alle gerichten ende tegen eene(n)yegeliken dair des behoeven ende te/ doen sal moegen wesen Ende desgelijcx om alle der voirs(creven) gehuyschen/ tsijse renten pachten lijftochten ende ande(re) schulden diemen hen nu/ sculdich es oft namails wesen sall Te manen teyschen op te boe(re)n/ en(de) tontfangen den sculde(re)n van heuren ontfange quijt te scelden en(de)/ quitan(cie) te gheven dair voe(r) te panden te daghen en(de) rastamente te doen/ leggen composicie en(de) mynlike yffeninge d(air)aff te maken scepen(en) brieve/ te vo(n)niss(en) en(de) die texeque(re)n getuygen ind(en) vors(creven) saken te leyden der/ wed(er)p(ar)tien getuygen te sien swe(r)en die te batte(re)n te replice(re)n te duplice(re)n/ also wail int principail als int accesseur en(de) alle poenten van rechte/ d(air)toe te vorde(re)n die na recht dair toe behoiren moegen En(de) voirts/ alle tghene (et)c(etera) p(ro)mitt(entes) rat(um) salvo iusto calculo cor(am) moelen burg(imagistro)/ abs(oloens) tybe scabinis febr(uarii) xiiii