Allen (et)c(etera) dat lijsbeth smolders wettighe huysvrouwe matheeus/ hooghmesse affirme(re)nde dat heur niet moegelic en es te reysen/ heeft in p(rese)ncien heurs mans ende bij consente desselfs/ geconstitueert en(de) volcomen macht en(de) auctoriteit gegeven/ den selven matheeuse heuren man(ne) om alsulken goede/ alse heur verstorven zijn na de doot jans wilen de molde(re)/ heurs oems te he(re)nthals ende d(air)omtrint gelegen tegen en(de)/ met den ande(re)n erfgenamen te deylene d(air)op te verthijene/ geluften van genoechdoen te geloven ende alle ande(re) vorw(er)den/ en(de) contracten d(air)aff aen te gaene voer wet te he(re)nthals en(de)/ eld(er)s dair onder de voirs(creven) goede gelegen zijn en(de) voirts alle/ tghene d(air)inne te doen dat de vors(creven) gehuyschen tsamen/ souden moegen doen oft zij beide p(rese)nt en(de) voer oeghen waren/ Geloven(de) voer ons in goed(en) trouwen de vors(creven) lijsbeth bij consente/ des vors(creven) heurs mans voe(r) heure en(de) heur erfgenamen opte/ verbintenisse en(de) obligacie van allen heuren goede(n) tegewoirdige/ en(de) toecomen(de) zo wair die gelegen zijn goet vast gestentich/ en(de) van weerden te houden alle tghene des bijden vors(creven) heuren/ man in des voirs(creven) es e(n)nichssins gedaen en(de) gevordert sall/ worden des ter ky(n)niss(en) (et)c(etera) Cor(am) moelen burg(imagistro) berghe/ cav(er)son febr(uarii) xvi