Vanden gedinghe dat geweest es inde banck voer meye(re) en(de) scepen(en)/ van loeven tuschen adriaene de hont alse man ende momboer/ joffr(ouwen) dympnen zijns wijfs weduwe adriaens wilen peters/ aenlegge(r) ter eenre ende janne hoolmans verweerde(r) ter and(er)/ zijden Aldair de voirs(creven) adriaen den voirs(creven) janne aensprack/ seggende dat hij uut saken vanden goeden des voirs(creven) wilen/ adriaens gelegen te [vacat] die de selve jan in pechtinge(n)/ eenen seke(re)n tijt van jairen gehouden heeft alnoch sculdich en(de)/ tachter es boven alle ontfanck ende nae dat hij in des vors(creven)/ wilen adriaens reg(ist)re heeft bevonden de so(m)men va(n) lxxxiiii/ rinsch gulden(en) en(de) xxxviii(½) mudden corens alse vanden/ jairen lxxvi lxxvii lxxiii lxxix incluys en(de) lxxx excluys/ p(rese)nte(re)nde den eed van hem ende zijnen wive dat tvors(creven) rest/ boven alle ontfanck dwelc zij in des voirs(creven) wilen adriaens/ reg(ist)re dair hij alle zijn ontfang en(de) uutgeven gewoenlic was/ inne te setten hebben bevonden alsoe hoeghe als voirs(creven) is/ gedraight Sustine(re)nde dat de voirs(creven) jan sculdich soude zijn/ dat op te leggen ende te betalen oft dair voe(r) gehouden te worden/ ende des geliefde hem tvo(n)nisse Dair tegen de voirs(creven) jan/ sustine(re)nde de contrarie dede seggen onder den ande(re)n dat/ hij op ande(re)n tijden treg(ist)re des voirs(creven) wilen adriaens hadde/ hoiren lesen ende dat hij boven tghene des dair inne/ was bevonden van ontfanghe den voirs(creven) adriaene corts voir/ zijn aflivich(eit) diverse so(m)men van pe(n)ninghen hadde betaelt/ te weten voer neghen mudde corens neghen cronen xxiiii/ rinsch gulden(en) van weygelde ende noch xiiii rinsch gulden(en) p(rese)nte(re)nde/ dairaf te thoenen alsulken bescheid ende cleernissen dat hem/ in rechte soude moegen genoech zijn ende dat hij noch tot dien/ den voirs(creven) wilen adriaene hadde betaelt vijf rinsch gulden(en)/ dairaff hij der voirs(creven) joff(rouwen) dympnen deylde den eed conclude(re)nde/ bij dien dat hem die so(m)men sculdich wa(r)en tafslaghe te/ comen Ende d nae dat de vors(creven) jan hoolmans zijn thoeniss(e)/ geleidt heeft dair hij met vo(n)niss(en) toe gewesen was hebben/ de scepen(en) inder saken voirts gemaent gewesen voer een/ vo(n)nisse die inder stad handen ende tot der stad t(er)minacien/ In scampno p(rese)ntibus om(n)ibus scabinis febr(uarii) xv