It(em) peter colvene(re) ende jacop le(m)mens zijn zwagher beide/ ketelbueters hebben gelooft ongesundert janne vander/ beke soen wilen jans altijt scadeloes te houden ende/ tontheffen van alsulken halven mudde rogs lijftochten/ alse henrick vanden gehuchte heeft en(de) houden(de) es/ tsijnen live aen ende op zeke(re) goede nu des voirs(creven)/ jans topvelpe gelegen die de selve jan tegen den/ voirs(creven) pet(ere)n en(de) jacoppe gecocht heeft Ende oft de/ voirs(creven) jan dair om enighe schade cost oft last hadde/ die schade cost ende last hebben de voirs(creven) peter en(de) jacob/ den voirs(creven) janne gelooft op te leggen en(de) te betalen/ alse vervolghde schout Cor(am) vynck tybe junii/ xxiii in vigilia beati joh(ann)is post nonam