Nae dien dat op heden arnd wigger betoghen heeft voe(r) den raide/ vander stad joese pauwels ende janne van buetsele seggende de/ voirs(creven) arnd hoe dat zij hen ter beg(er)ten vander stad in wed(er)zijde/ gesubmitteert hadden in sek(ere)n arbiters vander questien die zij/ hangen(de) hebben alnoch ombeslicht in calaingien voer meye(r) ende/ scepen(en) van lynden en(de) oic vanden costen ald(air) gedaen gelijc de/ submissie vander daet vi octobris lestleden dat naird(er) inhult/ welke submissie want den tijt d(air)inne begrepen overleden was/ hij beg(er)de dat bij joese en(de) janne van buetsele die aldair met/ willem(me) van leefdale alse p(ro)cureur compareerde geprolongeert/ souden werden om inder selver saken te p(ro)cede(re)n gelijc dat inder/ selver submissien beg(r)[e]pen es ende zunderlinghe want niet moegelic/ en es geweest den arbiters dat zij heur devoir uuterlic souden/ hebben moegen doen mids der absencien van meester janne lobbe/ die een vanden seggers was ende meer ande(re)n reden(en) bij he(m) gealleg(eer)t/ bege(re)nde de selve arnd dat zijne voirs(creven) partie hier toe met/ rechte gevid..seert? werde want tgebreck in hem niet en was alsoe/ hij seide om alle costen ende moeytenissen te scuwen die dairaff/ souden moegen comen Dairop de voirs(creven) joes ter p(rese)ncien van/ wille(m)me van lele als p(ro)cureur des voirs(creven) jans van heu(re)r beider/ wegen zeide hoe dat de voirs(creven) arnd niet en hadde geachtervolght/ de vors(creven) submissie gelijc die geschied was want hij zijne scriftue(re)n/ inde hande vanden segg(er)s des voirs(creven) joes ende jans niet gegeven/ en hadde bynnen den tijde inder submissien begrepen hem des/ gedragen(de) tot den selven segg(er)s ende oic so wae(r) den tijt vander/ submissien geexpireert en(de) wae(re)n also van dien zynne heur recht/ te volgen ter plaetsen dair zij dat begonnen hadden ende de/ pande gelegen wae(re)n het en wa(r)e dat den hee(re)n na recht dat dochte/ behoirende dat zij sculdich wae(re)n de selve te co(n)tinue(re)n oft p(ro)longe(re)n/ dwelc zij hoopten dat niet gebeuren en soude Ende na dien/ dat de voirs(creven) joes ende willem inden name van janne de vors(creven)/ submissie niet en hebben willen mynlic ter beg(er)ten vander stad p(ro)longe(re)n/ ende uutstellen eenen zek(ere)n t(er)mijn So es bijden raide vand(er) stad/ den voirs(creven) p(ar)tien uutgesproken ende get(er)mineert dat zij hue(r) recht/ volgen sullen ter plaetsen dair zij dat begonnen ende gelaten/ hebben ten naisten genechte dair toe dienen(de) En(de) es den voirs(creven)/ arnde geseeght vand(er) stad wegen dat hij hem voirtaen huede/ alsulk(en) mandemente te impetre(re)n inden brabantscen raide oft/ eld(er)s gelijc hij in des(en) saken gedaen heeft in v(er)cortingen der/ p(ri)vileg(ien) vanden lande en(de) des(er) stad rechte en(de) tselve af en(de) te/ nieute doen ende tghene des bij hem h(ier)af gedaen was hielen zij/ te henw(er)t om d(air)inne te geschien in tijden en(de) wilen alsoe dat behoiren/ sall ten exemple van ande(re)n In (con)silio novembr(is) x