Compare(re)nde voe(r) den raide vander stad reyne(r) aggrapairt poirt(er) der/ stad van loeven die met brieven van des(er) stad te twee malen/ gescreven aenden meye(r) van jauchelet den [selven] meye(r) heeft doen/ versuecken te doen ontslaen alsulken haeflike goede inden/ voirs(creven) brieven genoemt hem toebehoiren(de) alse hij gerasteert/ hadde also hij zeide ten versuecke roelants le pattenier en(de)/ te bedwingen den selven roelande zijnen ondersate die goede/ over te leve(re)n ende te laten volghen den voirs(creven) poirte(r) Nisi cam...?/ hem dach te bescheiden (et)c(etera) ter eenre ende de voirs(creven) meye(r) als/ met den tweesten brieve op zijn mesgrijp bescreven zijnde t(er)/ ande(r) zijden Versocht de voirs(creven) poirte(r) dat de vors(creven) meyere/ gehouden soude zijn hem zijn geeyschte have te doen volgen/ ende dat hij dair toe bedwongen soude worden gemerct dat/ hij dairaff zijnen wijn hadde ontfaen Dairop de voirs(creven)/ meye(r) hem verantwerden(de) zeide dat hij gheen goede den voirs(creven)/ poirte(r) toebehoiren(de) en hadde gerasteert also en conste hij gheene/ ontraste(re)n oic waren hem gescreven twee brieven met den eenen/ was hem versocht te ontraste(re)n de goede die hij ten versuecke des/ voirs(creven) roelants hadde gerasteert ende met den ande(re)n de goede gerast(eer)t/ ten versuecke jans roelants oic wa(r)en inden tweesten brief meer/ goede begrepen dan inden yersten nochtans dat hij als vo(r)e gheen/ goede gerasteert en hadde den voirs(creven) poirte(r) toebehoiren(de) hopen(de)/ bij dien den voirs(creven) versuecken genoech geweest te zijne makende/ eysch van eenen daghe dat hij ten tweesten versuecke alhier comen/ wae(re) Dairop de voirs(creven) poirter replice(re)nde seide dat hij den/ yersten versuecke niet genoech geweest en wae(re) want al en hadde/ hij gheene goede ontrasteert en hadde hij nochtan den vors(creven) roela(n)de/ alsoe niet bedwonghen dat hij zijn goede hem hadde gerestitueert/ die hij onderhadde oft dat hij ten daghe inden selven yersten brieve/ begrepen comen wae(re) rechts pleghen Dairaff hij zijnen wijn/ hadde genomen P(er)siste(re)nde alsoe in zijnder voirs(creven) conclusien/ Es getermineert ende den vors(creven) meye(r) gelast dat hij op den/ wijn vo(r)e gehadt sculdich soude zijn den vors(creven) roelande te bedwi(n)gen/ dat hij den vors(creven) poirte(r) zijn goede die hij onderhadde soude/ restitue(re)n costeloes het en ware dat hij hem woude oppone(re)n dat/ hij hem dach bescheidde alhier inde banck voer meye(r) en(de) scepen(en)/ van loeven voer van morghen in viii daghen te mistide om/ dairaff aldair rechts te pleghen In consilio opidi/ novembris penultima