Allen den ghenen (et)c(etera) dat symoen van breedzijp heeft wettelick/ gemechticht en(de) volcomen macht gegeven en(de) met des(er) l(ette)ren mechtich/ maict en(de) volcomen macht gheeft [sonder e(n)nich wederroepen] woute(re)n en(de) mychiele va(n) breedzijp/ gebrued(ere)n zijnen neven Om alle alsulken pachten alse he(m) v(er)schene(n)/ zijn [of namaels v(er)schinen selen] uut saken vand(er) pechtingen van eenen vierdele lants den/ selven gebrued(ere)n toebehoiren(de) gelegen te rotselair Dwelc henric de schermere in pechtingen gehouden heeft eenen zeke(re)n t(er)mijn/ van jairen Te manen teyschen op te boe(re)n en(de) tontfanghen/ den sculde(re)n van heuren ontfanghe quijt te schelden en(de) quitan(cien)/ te gheven dair voe(r) te panden te daghen te claghen ende/ rastamente te doen leggen composicie en(de) mynlike yffeninge/ dairaff te maken en(de) die and(er)ssins ofts behoeft met rechte/ te vervolghen en(de) te bedinghen die te wynnen en(de) te verliesen/ tallen plaetsen en(de) voer alle gerichten dair des behoeven ende/ te doen sall moegen wesen en(de) alle poenten van rechte d(air)toe/ te vorde(re)n die na recht d(air) toe behoiren moegen En(de) voirts/ alle tghene (et)c(etera) P(ro)mitten(s) rat(um) Cor(am) moelen burg(imagistro) vync cav(er)son/ scabinis januarii x