It(em) vander questien die geweest es tusschen wille(m)me lobbe ter eenre/ zijden en(de) arnde scrijne ter ande(re) vander comanscap vanden hove/ geheten ter hofstat te wackersele gelegen dwelc de vors(creven) arnd/ gecocht hadde om eene seke(re) so(m)me van pe(n)ninghen Dairaf de/ voirs(creven) willem meynde ende sustineerde meer te hebben dan de/ voirs(creven) arnd hem p(rese)nteerde ende in geschille stonden van xx/ rinsch gulden(en) eens Dairaff zeke(re) getuygen gehoirt zijn voer/ arnde vander moelen borg(er)meester te lov(en) Alsoe dat ten/ uutersten de voirs(creven) willem ende arnd van dien xx rinsch(en)/ gulden(en) hen submitteerden in duutsprake vanden vors(creven) burg(er)meest(er)/ ende meester janne lobbe de welke op de voirs(creven) questie hem/ uutsprake op heden gedaen hebben Als dat de voirs(creven) arnd scrijne/ den voirs(creven) wille(m)me lobbe betalen sall ii[c] en(de) xc rinsch/ gulden(en) te xx stuv(er)s tstuc iii pl(a)c(ken) den stuver Ende/ want de vors(creven) arnd seyde dat roelof lombairt op de vors(creven)/ goede hadde erflic drie mudde corens die [men also] de voirs(creven) willem seide/geseeght hadde afleggen soude moeghen met xx cronen te/ xxiiii stuv(er)s tstuc ende de voirs(creven) roelof den vors(creven) arnde/ geseeght hadde datmen die niet min aflegghen en mochte/ dan met gulden ryders Van welken geschille zij hen gesame(n)d(er)/ hand gedroegen tot den goeden ma(n)nen die int sluyten vand(er)/ comenscap wae(re)n geweest Soe wairt van dien stucke/ uutgesproken datmen de wairheit vanden goeden mannen/ die int sluyten vander comanscap wae(re)n te weten reyne(re)n vanden/ putte weerd inde hand henricke mettens en(de) henr(icke) lantairts/ aenhoiren soude en(de) dae(re)nteynden recht Cor(am) moelen burg(imagistr)[o] et/ hanckairt ac aliis de consilio aug(usti) xxii