It(em) op de questien die nu hanghen voe(r) den raide vander stad/ tuschen wout(ere)n le sceve meye(r) der h(ere)n van s(in)te denijs te fol/ t(er) eenre ende janne de brouck ter ande(r) zijden Es get(er)min(eer)t/ bijden raide vander stad want de vors(creven) jan de broucq den/ hoff lestwerff met brieven van des(er) stad na den hootvo(n)nisse/ gesloten heeft So sal hij betalen de costen van rechte hier/ gedaen in dier instancien t(er) taxacien vander stad die/ ov(er)gegeven met der di(mi)nucien Ende de costen van rechte
//
gedaen inde banck tot den tijde van dien bescrivene sijn/ geremitteert met der principaeld(er) saken tot der iudicatue(re)n/ vander banck dair tprincipail gehandelt is oft hue(re)n/ wettighen hoode bij faulten van wijsdo(m)me Ende/ als vanden costen van te vo(r)en eer tprincipael proces/ inde banck beleydt was hier te loeven gedaen die/ met der terminacien vand(er) stad geg(even) maii v a(n)no/ lxxix werden gesuspendeert tot den eynde vand(er)/ principaild(er) saken ende de voirs(creven) meye(r) bij specificatie(n)/ hier overgegeven heeft Dairop sal jan de brouck/ geven zijn di(mi)nucie om dae(re)nteynden bijder wet alh(ier)/ get(er)mineert te werden des behoiren sall Act(um) in (con)silio/ opidi sept(embris) vii