Compare(re)nde voe(r) den raide vander stad marc(us) clerck h(ere)n jacops/ van glymez bailliu vanden walschen lande van brabant/ ridders inden name desselfs ter eenre ende germain/ jans poirter der stad van loeven ter ande(r) zijden Aldair/ de voirs(creven) marc(us) inden name als vo(r)e opdede hoe dat de/ voirs(creven) germain poirte(r) voertijts ten bevele ende versuecke/ des voirs(creven) baillius bijden meye(r) van graven gevanghen en(de)/ aengetast wae(r) geweest voer alsulken beternisse alse de/ voirs(creven) bailliu inden name van mijnen gened(igen) he(re) den/ h(er)toghe den voirs(creven) poirte(r) in meyningen wae(r) te eysschen/ alsoe wel van dat de selve poirte(r) tande(re)n tijden eenen/ quaden eed soude hebben gedaen als een int walschbraba(n)t/ geseten eenen dootslach hadde gedaen ende dair mede v(er)boert/ lijf ende goed De voirs(creven) germain bij eede geexamineert/ clairde hem niet sculdich te zijne nochtans wa(r)e namails/ bevonden bij uutspraken oft appoentemente van v[r]ienden dat de/ voirs(creven) germain hem alsdoen sculdich was alsoe dat hem/ selven in tijden ende wilen bevinden soude Alse van dat/ de voirs(creven) germain eenen quaden eed soude hebben gedaen/ navolgende zek(ere)n hootvo(n)niss(e) geleerd bij scepen(en) van loeven/ den scepen(en) van graven ende bijden selven scepen(en) van graven/ voirts uutgewesen tuschen den voirs(creven) bailliu oft zijnen/ lieuten(ant) ende den voirs(creven) poirte(r) Dairaff de selve bailliu/ in tijden en(de) wilen contrarie wel thoenen soude ende dat de/ voirs(creven) germain van all wa(r)e gestelt in calaingien voe(r) en(de) eer/ hij de vryheit vander poirterien der voirs(creven) stad hadde ae(n)genome(n)/ bijden welcken de voirs(creven) germain onlangs wedero(m)me bijden vors(creven)/ marcke alse diene(r) en(de) uut bevele des voirs(creven) baillius aengestast/ was onder de banck van genepien Bege(re)nde ende versuecken(de)/ den voirs(creven) germaine die hem mids der voirs(creven) poirterien ende ond(er)/ zijn te kynnen gheven uutgescreven hadde gere(n)voieert te/ worden ter ky(n)nissen ende iudicatue(re)n der voirs(creven) banck van/ genepien De vors(creven) marc(us) inden name als vo(r)e p(rese)nteerde/ den voirs(creven) poirte(r) dlantrecht met goeder expedicien te/ doen geschien Daer tegen de vors(creven) poirter hem/ verantwerden(de) aengaende den yersten poente seyde ontkynnen(de)/ dbijleggen des voirs(creven) marcks dat hij noeyt quaden eed/ en hadde gedaen noch oic den man bij hem gealleg(eer)t niet/ sculdich en was Offe(re)nde dairaff rechts te plegen alhier/ inde banck voer meye(r) en(de) scepen(en) van loeven dair hij mids
//
zijnre poirterien behoirt Aengaende den ande(re)n seide de/ selve germain dat hij hoopte navolgende den vors(creven) hootvo(n)niss(e)/ dairaff hij zijns eeds volcomen wae(r) van dien ontslagen/ te zijne Es getermineert bijden raide vander stad/ notabelic vergadert so verre de vors(creven) h(er) jacop bailliu/ den eed doet dat hij den voirs(creven) germaine poirte(r) bijden/ meye(r) van graven hadde doen houden om hem aen te spreken/ vanden eede inden yersten poente geruert dat hij in dien/ gevalle de voirs(creven) germain dairaff tegen hem sculdich zal/ zijn rechts te pleghen inde banck van graven dair hij yerst/ aengetast was Ende als vanden ande(re)n wae(r) de de vors(creven) bailli/ op den vors(creven) germaine verdoolt naden eede die hij navolgen(de)/ den voirs(creven) hootvo(n)niss(e) hadde gedaen Det(er)minat(um) in (con)silio/ opidi sept(embris) xv