Item vander questien die geweest es inde banck voer meye(re) en(de) scepen(en) van lov(en)/ tuschen henricken vander bruggen geheten metten ghelde ter eenre ende/ wout(ere)n meys van wave(r) ter ande(r) zijden aldair de voirs(creven) henrick dede/ seggen dat hij den voirs(creven) wout(ere)n met der stat brieve hadde doen/ bescriven voer zijn interest vanden derdendele van xlvii peters/ die de voirs(creven) wouter voer scepen(en) van loeven zijnder moed(er) voermails/ gelooft hadde gelijc zeke(re) scepen(en) brieve van loeven d(air)op gemaict int/ jair xiiii[c] liii maii xxviii nairder uutwijsen die hij gevo(n)nist/ hadde ende den rechte doen blijcken Dairaf hij beg(er)de betalinge/ vanden voirs(creven) wout(ere)n te hebben oft bewijssenisse van betalinghen/ met meer woirden bij hem geallegeert Dairop de vors(creven) wout(er)/ hem verantwerden(de) dede seggen dat hem van dier aenspraken/ zee(r) verwonderde gemerct dat hij die des voirs(creven) henricx moed(er)/ dier hij die schout gelooft hadde over vele jairen betailt hadde/ bieden(de) des zijnen eed ten heilighen Seggende voirt dat de/ selve zijn moeder die meer dan vi jair naden t(er)mijn leefde niet/ alsulc en was dat zij dair mede soude hebben verbeidt sij en soude/ haer hebben d(air)af doen betalen hij hadde oic altoes des hij gode loofde/ solvent geweest Op dwelc de voirs(creven) henrick repliceerde seggen(de)/ dat hij wouter niet sculdich en wa(r)e des met zijnder eed geloeft te/ zijne mair wes hij bewijsen coste dat den vors(creven) brief betaelt/ wa(r)e dat moeste hij wel lijden Wair op die scepen(en) gemaend
//
die questie met heuren vo(n)nisse setten inder stad hande Ende nae/ dat de selve scepen(en) de sake den raide vander stad opgedaen hadden/ ende men niet en bevand dat de voirs(creven) henrick den scepen(en) brief/ voirs(creven) met zijnder eed te baten comen [en] woude ende dat ande(re) zijn/ medegaderinghe dien den selven brief gelijc hem aenging hen/ dairaf hadden verdraghen heeft de raed vander stad ae(n)gesien/ tghene des voirs(creven) es ende des partien dair toe meer hebben/ geseeght getermineert wair de voirs(creven) wouter zijnen eed dade/ also hij dien gep(rese)nteert heeft dat hij vander vors(creven) geluften en(de)/ schout ongehouden zijn sall ende dat den voirs(creven) brief sall wordden gecasseert Welcken eed hij alsdoen ter stont p(rese)nteerde/ te doene den welcken hem de voirs(creven) henrick opten staenden/ voet verdroegh Cor(am) ambobus burgim(a)g(ist)ris et pluribus aliis/ de consilio tam scabinis q(uam) aliis febr(uarii) ix