Allen (et)c(etera) ende besunder den eerb(ere)n ende voirsienighen onsen lieve(n)/ geminden vrienden burgermeest(ere)n scepen(en) ende raide d(er) stad/ van berghen opten zoom burgermeest(ere)n scepen(en) en(de)/ raid d(er) stad van loeven saluut en(de) alle vriendscap doen cond/ en(de) te weten dat op den dach van heden voer ons comen es in/ p(ro)pe(re)n p(er)sone claes jacops sone geheten van spel van berghen/ vors(creven) renu(n)cie(re)nde in desen saken die p(ri)vilegien en(de) liberteite(n)/ vander univ(er)siteit van loeven en(de) allen ande(re)n ende heeft geco(n)stit(ueert)/ en(de) volcomen macht en(de) aucto(r)iteit gegeven en(de) met des(en) mechtich/ maict en(de) auctoriteit gheeft sonder e(n)nich wed(er)roepen roelande/ van sevenberghe en(de) meester janne van spel oem des vors(creven)/ claes en(de) elken besund(er) thoenre des(er) l(ette)ren Om guedinghe en(de)/ opdracht met behoirliker verthijeniss(en) na der banck recht te/ doene van zijnen rechte en(de) gedeelte van eenen huyse en(de) hove/ met zijnen toebehoirten gelegen te berghen voirs(creven) dat de selve/ claes aldair hadde en(de) van zijnen wegen vercocht is henricken/ tyman ende eenen p(er)soen geheten manck thoenken ende dairaff/ wairscap en(de) genoechdoen inden name en(de) van wegen des vors(creven)/ claes te doene en(de) te geloven(e) de pe(n)ninge d(air)af op te boe(re)n en(de)/ tontfanghen en(de) quitan(cie) dairaf te gheven Ende alle tghene/ d(air)inne voirts te doene dat de selve claes selve soude moegen/ doen oft hij ald(air) tegewoirdich en(de) voer oeghen wa(r)e Promitt(ens)/ rat(um) Cor(am) moelen burg(imagistro) vync caverson febr(uarii) ultima