It(em) den voirs(creven) brief va(n) q(ui)tancien en(de) ky(n)niss(en) zijn geschiet te dier/ meyninghen datmen dair mede op den voirs(creven) wille(m)me noch zijn/ goede niet wercken en sall het en wa(r)e dat de voirs(creven) roelof/ oft zijn kynde(re) en(de) nacomelinge met rechte gheene betalinghe gecrige(n)/ en consten van arnde scrijne die thoff ter hofstad met der/ toebehoirten gecregen heeft tegen den vors(creven) wille(m)me van alsulke(n)/ drie mudden corens vier hollan(sche) gulden(en) ende xii stuv(er)s erflick/ alse de voirs(creven) roelof jairlicx dairop heeft In welken/ gevalle in wel de vors(creven) roelof zijn kynde(re) en(de) nacomelingen/ hen met heuren brieven selen moegen behulpen tot d(er) betali(n)gen/ der selver heurer renten op de goede des voirs(creven) willems in desen/ uutgesceiden tvors(creven) eeussel houden(de) tuschen v en(de) vi dach(mail) gelegen/ int golijs gat en(de) de drie dachmail beemds int schoutbroec die/ de voirs(creven) meester jan tegen den vors(creven) wille(m)me deughdelic gecocht/ heeft Cor(am) eisdem