Item vanden geschille dat geweest es tuschen wille(m)me van bierbeke/ geheten van wilre ter eenre en(de) lyebrechte van arschot soen wilen/ lyebrechts voer hem selven ende inden name van jouffrouwen/ margrieten katlijnen ende lijsbetten van arschot zijnen zust(ere)n/ die hij hier inne gelooft heeft te vervaen ter ande(r) zijden Alse/ vander hyliker vorwerden gemaict bij mathijse wilen van bierbeke/ dair mede hij den voirs(creven) wilen lyebrechte ende joff(rouwe) katlijnen wile(n)/ van bierbeke zijnen wive dochter des vors(creven) mathijs en(de) zust(er)/ des voirs(creven) willems gaff in behulpe ende ond(er)stande van/ hylike zeke(re) erflike goede te mille inde prochie van deurne/ gelegen Op alsulken vorwerde dat de vors(creven) willem va(n) bierbeke/ de selve goede soude moegen quiten alst hem gelieven soude/ met twee hondert peters te xviii stuv(er)s tstuc en(de) alsdan/ aenveerden de vors(creven) erflike goede also de selve willem te ky(n)nen/ gaff Welke ii[c] pet(er)s de voirs(creven) willem tsamen met noch/ vijftich pet(er)s overlang den vors(creven) lyebrechte om mynne en(de)/ vriendscapen wille gep(rese)nteert hadde te gheven also de vors(creven)
//
willem seide Ende voirt van alles des zij malcande(re)n dae(re)nboven/ souden moegen eysschen tot desen daghe toe Hebben hen de/ selve p(ar)tien verbonden ende gesubmitteert in segg(ere)n en(de) mynlike/ yffene(re)n Te weten in baudewijne bast(ar)t van glymez ende/ loenijse van bierbeke In alsulker vueghen dat de selve/ segge(re)n der voirs(creven) p(ar)tien bescheid aengehoirt hebbende/ heur uutsprake dairaff doen selen bynnen xiiii nachten/ naistcomen(de) Promitten(tes) rat(um) (et)c(etera) Cor(am) vync tybe oct(obris) xxiii