It(em) jan woutergheerds die op seke(re) goede mertens wout(er)gheerds zijns brued(er)s/ met der bancken rechte van poederle [vorslaer] heeft gevolght die de selve merten/ alse s(in)tepetersman uutgescreven hadde en(de) dach van rechte alh(ier) bescheiden/ Aldair de voirs(creven) jan nae vele vervolghs mids gebreken ende absencien/ des voirs(creven) mertens alnoch tot gheenre aenspraken om de sake gere(n)voieert/ te hebben en heeft connen gecomen also hij seeght ter eenre ende/ willem van leele alse p(ro)cureur des vors(creven) mertens ter ande(r) zijden hebben/ de selve jan ende p(ro)cureur den dach op heden dienen(de) uutgestelt ende/ geco(n)tinueert tot van heden in xiiii [nachten] naistcomen(de) om alsdan te dienen/ gelijc hij op heden gediend soude hebben Tot welcken daghe de vors(creven)/ p(ro)cureur aengenomen heeft den vors(creven) m(er)ten principael op tre(n)voy te doen/ comen verantwerden ende heeft geconsenteert in gebreke van dien/ dat de sake wordde alsdan gere(n)voyeert Cor(am) borch god(efrido) vanden/ berghe blanckairt et roelants homi(ni)bus sancti petri lov(aniensis) no(vembris) xiiii