Alsoe als ten v(er)volghe joes nijs alse geleydt ov(er)mits vo(n)niss(e)/ van scepen(en) brieve(n) van loven(e) tot allen den goeden have/ en(de) erve jans fijte jans cordewaens en(de) jans van redinghe(n)/ gescreve(n) es geweest den meye(r) vaan libbeke oft sijnen/ stedehoude(r) tot lovenjoel hem de selve goede te leve(re)n En(de)/ oft de voirs(creven) p(er)sonen oft yemant and(er)s daer teghen yet/ seggen wilde dat sij des quame(n) alhier voer meye(r) en(de)/ scepen(en) int recht tot eene(n) zeke(re)n daghe van rechte mits/ v(er)striken(e) van genechten op heden dienen(de) ald(aer) de voirs(creven)/ p(er)sone(n) niet comen en zijn den voirs(creven) geleydden compare(re)nde/ en(de) trecht versueken(de) doende oic blijcken resc(ri)pcie bijden/ voirs(creven) meye(r) va(n) libbeke dat hij dexecucie navolgen(de) den/ v(er)sueckbrieve(n) gedaen hadde na inhoudt vanden selven Soe/ hebben de scepen(en) van loven(e) t(er) manissen smeyers gewijst/ voer een vo(n)nesse soe v(er)re des voirs(creven) geleidden wed(er)p(ar)tien/ niet en quame smeyers opstane en(de) van hen scepen(en)/ datmen hem dan vanden voirs(creven) goeden houden sal in/ sijnen voirs(creven) beleyde tot sijnen wettigen gebreke behoef/ alsoe v(er)re alst noch voer hen scepen(en) comen es cor(am)/ o(mn)ibus scab(inis) dempt(is) liefkenrode hoeven ja(nua)[rii] viii