Allen den ghenen (et)c(etera) dat jan van ranshem sone wilen/ jans heeft geconstitueert volcome(n) macht p(ro)curatie ende/ auctoriteyt gegeve(n) en(de) met desen mechtich maect ende/ auctoriteyt gheeft willem(me) de witte sone wilen willems/ willem(me) van lele janne van borre jannese scamp prooft/ te corttenberghe arnde van ranshem na(tuer)lic roelove/ lanshee(re) meye(r) terps gheerde de cuype(re) henricke yden/ janne van ov(er)beke clase ghielijs [en(de)] h(ere)n ja(n)ne coene/ prieste(r) aut Om alle sijn saken questien en(de) geschillen die/ hij nu uutstaen(de) heeft oft namaels hebben sal moeghen/ te verwa(r)en te bedinghen te v(er)volghen te bescudden te/ wynne(n) te v(er)liesen tallen plaetsen voer alle gerichten/ gheestelic en(de) weerlic en(de) tegen eene(n)yegeliken daer/ des behoeven en(de) te doen sal moeghen wesen getuyge(n)/ ind(er) saken te leyden der wed(er)p(ar)tijen getuygen te sien/ swee(re)n die te batte(re)n te replice(re)n te duplice(re)n alsoe wael/ int p(ri)ncipael als int accesseur composicie en(de) mynlike/ d(aer) af te maken (et)c(etera) Ende desgelijcx om alle sijn chijse/ rente(n) pachten lijftochte(n) en(de) ande(re) sculden dieme(n) hem nu/ sculd(ich) es oft namaels wesen sal te manen teysschen/ op te bue(re)n en(de) tontfanghen den sculde(re)n van hue(re)n ontfa(n)ge/ quijt te schelden en(de) quitan(cie) te gevene d(aer) voe(r) te panden/ te daghen en(de) rastame(n)te te doen leggen scepen(en) brieve(n)/ te vo(n)nissen en(de) die texeque(re)n (et)c(etera) P(ro)mitten(s) rat(um) salvo iusto/ calc(ulo) cor(am) buetsele burg(imagistro) lyefkenrode hoeve(n) scab(inis) dec(embris) xxiii