It(em) jan baudet soen wilen jans woenen(de) te corbaix die janne zijnen sone/ gehuwt heeft aen marien docht(er) jans wilen godfroit heeft gelooft in/ ond(er)stande vanden selven huwelike den selven zijnen sone hondert/ pet(er)s te liiii pl(a)c(ken) tstuc en(de) vijff mudde core(n)s loevensch ts(in)te pet(er)s/ daghe ad vincula naistcomen(de) te betalen Met vorw(er)d(en) eve(n)verre/ de vors(creven) jan de vader ten selven daghe de vors(creven) hond(er)t peters/ betailt dat hij dan vanden voirs(creven) vijff mudden corens ongehoud(en)/ sall zijn van welker ghiften van huwelike vors(creven) zeke(re) instrume(n)te(n)/ also de vader te kynnen gaff gemaict en(de) gepasseert zijn voer/ notar(is) ende getuyghen Cor(am) hoeven tants augusti viii