Aldair op heden achtervolgende der voirs(creven) t(er)minacien wederom comen/ zijn bijden raide vander stad de voirs(creven) partien versueckende de/ vors(creven) heyligheestmeest(ere)n de voirs(creven) t(er)minacie en(de) hootvo(n)nisse/ te hebben voldaen heeft de voirs(creven) willem geseet dat hij gheenssi(n)s
//
en meynde tegen tvoirs(creven) hootvo(n)nisse gedaen te hebben want thoot/ vo(n)nisse en sloech niet voirde(r) dan op de vruchten vanden voergaen(de)/ oeghste ende niet op de vruchten van desen jaire zydert den/ voirs(creven) hootvo(n)nisse afgedaen hopende bij dien dat hij vander/ hachten soude werden ontslaghen oft e(m)mers dat hij op caucie/ soude ontslaghen werden te voirde(re) al soude hij de vruchten/ van desen jaire moeten restitue(re)n in sequestre en wae(re) hem dat/ niet moegelic om doen hem in hachten zijnde dair tegen de vors(creven)/ heyligheestmeest(er)s altrice(re)nde seiden datmen op dit nieuw inne/ bringhen des voirs(creven) willems niet sculdich en wae(re) te letten en(de)/ wae(re) tvoirs(creven) hootvo(n)nisse sculdich verstaen te worden op alle/ vruchten tot dat de sake vander heerlicheit soude zijn beslicht/ na inhouden vanden selven hootvo(n)nisse en(de) dat de vors(creven) t(er)mi(n)acie/ tot behoirliker execucien soude wordden gestelt es den voirs(creven)/ p(ar)tien bijden raide vand(er) stad uutgesproken en(de) get(er)mineert dat/ zij bleven bijde voirs(creven) terminacie en(de) dat de vors(creven) willem hem/ dair nae reguleerde in pleno consilio augusti xiiii