It(em) joes van kessele briede(r) heeft bekint v(er)cocht te/ hebben janne p(er)soens en(de) de selve heeft gekint gecocht/ te hebben tegen den voirs(creven) joese alle weken een half/ bier mouts alsoe goet als de moutmolen te loven(e)/ wynnen sal dierste leveri(n)ge d(air)af innegaende te/ kerssavonde naestcomen(de) en(de) due(re)nde onderhalf jaer/ lang alle weken inde voirs(creven) molen te leve(re)n den/ voirs(creven) ja(n)ne elc half bier voe(r) en(de) o(m)me sesse pet(er)s/ te liiii pl(a)c(ken) tstuc en(de) altijt gelt als goet Ende es/ te weten(e) datmen den molster oft stael inde voirs(creven)/ moelen neme(n) sal te kerssavonde voirs(creven) d(air)op de voirs(creven)
//
joes dierste quartier alle weken uutleve(re)n sal en(de) soe/ voirts alle quartie(re) den molster oft stael te nemen(e) en(de)/ d(air)op alle weken tquartier uut altoes te leve(re)n en(de) altijt/ gelt als goet met vorw(er)den dat de voirs(creven) jan den/ voirs(creven) joese t(er) stont geven sal sessendertich pet(er)s ind(er)/ weerden voirs(creven) mair des sal de voirs(creven) joes den voirs(creven)/ janne op morgen leve(re)n dmout tot eene(n) geheele(n) biere/ cor(am) abs(oloens) hoeven dec(embris) xix