Item also als ten vervolghe jacops vander eycken die met zeke(re)n scepen(en)/ brieven van loeven houden(de) es ii pet(er)s te xviii stuv(er)s tstuc lijft(ochten)/ aen ende op de goede hier na bescr(even) willems van dagb(er)mont/ en(de) margrieten zijnre huysvrouwen Te weten yerst op drie/ boende(r) lants gelegen inde prochie van nodebaix tuschen de goede/ jans del brief en(de) sgoidshuys van hastie(re)s It(em) op iii dach(mail)/ lants gelegen opt velt geheten del chize tuschen de goede/ desselfs goidsh(uys) aen beiden zijden It(em) op drie dachmail lants/ gelegen opt selve velt tuschen de goede svors(creven) goidsh(uys) en(de)/ de goede geheten le grant fosse de dagb(er)mont gescreven es/ geweest met brieven der stad van loeven aenden meye(r) va(n) g(ra)ven/ oft zijnen stedehoude(r) hem de selve goede te leve(re)n en(de) oft de/ vors(creven) gehuyschen oft yemant and(er)s dair tegen yet seggen oft/ allege(re)n wild(e) dat zij des quamen alh(ier) voe(r) meye(r) en(de) scepen(en)/ int recht tot eenen zek(ere)n dage van rechte mids v(er)striken van/ genechten op hed(en) dienen(de) Ald(air) zij noch nyemant van heuren/ wegen comen en es den vors(creven) jacoppen compare(re)nde en(de) trecht/ v(er)suecken(de) So hebben de scepen(en) van loeven yerst aengehoirt/ pet(ere)n comelinc bode d(er) stad van lov(en) die cleerde bij zijnen/ eede dat de lev(er)inge en(de) dachbescheidinghe na inhoudt/ d(er) vors(creven) v(er)suecbrieve geschied was t(er) maniss(en) smeyers gewijst/ voe(r) een vo(n)nisse so v(er)re de vors(creven) gehuyschen noch nyemant/ va(n) heure(n) wege(n) niet en quame ten opstaene smeyers en(de) va(n)/ hen scepen(en) datmen hem dan vanden vors(creven) goeden houden sall/ in zijnre lev(er)ingen tot zijne(n) gebreken behoef also v(er)re alst/ noch voer hen scepen(en) comen es Cor(am) eisd(em)